Jens B. Frederiksen: Pisassiissutinik nuussineq aaqqiigallarneruvoq
Siunnersuummik saqqummiussisoq Lars-Emil Johansen Ukiumoortumik pisassiissutit avataasiortuniit sinerissap qanittuani aalisarnermut nuunneqarpata suliffissaarussimalernissap pitsaaliornissaa anguneqarsinnaassasoq, Lars-Emil Johansen siunnersuummik saqqummiussisoq isumaqarpoq.
- Raajarniat unittoortinneqannginnissaat aamma nunami suliffissuit juulleriartulernerani sulliassaarunnissaat pinngitsoortinneqassappat piaartumik ersarissumillu iliuuseqarnissaq pisariaqarpoq.
Nammineq paasiniaaninni paasivara raajartassat 5700 tonsit taamaallaat sinneruttut, taamaattumik piaartumik iliuuseqarnissaq pisariaqarluinnarpoq.
Aalisarnermut inatsit nutaaq upernaamut piviusunngorsinnaassava?
- Ilimagilluinnarpara, kopmmissioneqarpoq aalisarnermut inatsisissamik siunnersuusiortumik, apeqqutaassaaq inatsisartut taanna suliassaq qanoq pilertortigisumik suliarilertortigisinnaatigigaat.
Partiit inatsisartuniittut Siumup politikkikkut oqaaseqartartuata Lars-Emil Johansenip siunnersuutaa tapersersorpaat.