Jens B. Frederiksen: Imigassaq matuneqarli!
Kikkulluunnit ikiueqqaarnermut sungiusarneqarsimasut nalunngilaat, pisussaaffik siulleq tassaajuarmat ajunaarnissaq pinngitsoortinniassalugu, tamatuma kingorna suliarinninneq aallartittarpoq, allatigullu ajutoorsinnaaneq pinngitsoortinniarneqalertarluni, Jens B. Frederiksen tusagassiuutinut allappoq.
Kristian Sivngertaap siunnersuutaa, Tasiilami borgmesterip Vittus Mikaelsenip itigartippaa, borgmesterili aaqqiissutaasinnaasunik allanik siunnersuuteqarani. Angutip taassuma takutiinnarpaa iliuuseqarsinnaanerminik amigaateqarnera, Jens B. Frederiksen allappoq.
Demokraatit sulissutiginiarpaat Tasiilami suliffiit amerlanerusut pilersinneqarnissaat, taamaaliornikkut innuttaasut suliassaqalerniassammata. Demokraatit Naalakkersuisunut kaammattuipput danskit Naalakkersuisui oqaloqatigeqqullugit, parnaarussivik matoqqasoq, Kalaallit Nunaanniittussatut aalajangiunneqareersoq, Tasiilamut inissinneqaqqullugu.
Takornarniaqarneq Tasiilami ineriartortittariaqartoq, Demokraatit piumasaraat, Tasiilami alianaatsorsuarmi inissisimanini pissutigalugu periarfissaqarluarpoq, taamaattumik sulissutigineqartariaqarpoq takornarniat illoqarfimmik takunnissinnaalersissallugit, Jens B. Frederiksen allappoq.
