Coronavirusimik Kinami toqqutillit 600-nit amerlanerupput, tunillatsissimasullu 30.000-nit amerlanerullutik.Assi: Kazuhiro Nogi/AFP/Ritzau Scanpix

Japanimiut umiarsuaanni takornariartaammi ilaasuni 61-it coronavirusimik tunillatsissimasut

Japanimiut umiarsuaanni takornariartaammi ilaasut coronavirusimik tunillatsissimasut 20-niit nalunaaquttap akunneri 24-t ingerlaneranni 61-inngorput, taakkualu mattussaaqqapput.

Japanimiut umiarsuaanni takornariartaammi ilaasut coronavirusimik tunillatsissimasut nalunaaquttap akunneri 24-t ingerlaneranni 41-nik amerlipput.

Taamaalllutik ilaasut coronavirusimik tunnillatsissimasut katillugit 61-inngorput.

Japanimi peqqissutsimut ministereqarfik taama paasissutissiisoq, Japanimi nutaarsiassaqartitsiviup NHK-p allaaseraa. Nutaarsiassaqartitsivik AFP Danmarkip nalunaaqutaa naapertorlugu tallimanngornermi taama allappoq.

Umiarsuarmi takornariartaammi ilaasut 3.700-sut nioqqusaajunnaarallartut peqqinnissaqarfimmi sulisunit misissorneqarmata ilaasuni 273-it coronavirusimik tunillatsissimasut paasineqarpoq. Assi: Kazuhiro Nogi/AFP/Ritzau Scanpix

 

Umiarsuaq takornariartaat " The Diamond Princess, Tokyop kujasinnerusortaani umiarsualivimmi taleqqavoq.

Umiarsuaq 3.700-nik ilaasoqarpoq, ilaasullu sapaatit akunnerini marlunni mattunneqarallassasut ilimagineqarpoq.

- Tunillatsissimasut Japanimi nunap immikkoortuini napparsimmavinnut assigiinngutsunukaanneqassapput, Japanimi peqqissutsimut ministeri, Katsunobu Kato, oqarpoq.

Kinamiullu pingasut umiarsuarmi takornariartaammi "World Dream"-imi 1800-nik ilaasulimmi ilaasut coronavirusimik tunillatsissimasut paasineqarmat mattunneqarallarput. Umiarsuarmi tassani Hongkongip avataaniittumi ilaasut nioqqusaajunnaarallarput.

Coronavirusimik Kinami toqqutillit 600-nit amerlanerupput, tunillatsissimasullu 30.000-nit amerlanerullutik.

Coronavirusimik tunillatsissimasut biilinik napparsimasunik angallassissutinik peqqissartikkiartorfissaannut napparsimmaviliaanneqarput.Assi: Kyodo Kyodo/Reuters/Ritzau Scanpix

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat