Japanimiut qiporarniartarnerminnik assuarineqalersinnaapput

Japanimiut qipoqqanik piniartarnertik attattuaannassagunikku, nunarsuarmit tamarmit assuarineqalersinnaapput.

Australiap premierministeria John Howard taama erseqqissaavoq. Australiamiut aviisiat The Advertiser naapertorlugu, John Howard Japanimiut premierministeriannut Junichiro Koizumimut mianersoqqusitsinertalimmik allagaqarsimavoq.

Japanimiut ilisimatuussutsimut tunngatinnerarlugu arfanniartarnerat, John Howardip akueriumanngilaa, Howardillu erseqqissaatigaa Japanimiut arfanniartartui Australiap imartaanukassanngitsut.

Japanimiut qiporarniartarnertik annertusisarniarlugu oqareersullu, Australiap premierministeria taama qisuariarpoq.

Arfanniarneq pillugu ataatsimiititaliarsuaq, IWC, qaammatip tulliani ataatsimiissaaq. Ataatsimiinnermi tassani aningaasarsiutigalugu arfanniartarnerup inerteqqutigineqarnera Japanimiunit peerniarneqassangatinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat