Japanimiut qaannamik unammeqataajartussapput
oktobarip 28-at 2004 20:46
Japanimiut kalaallit qajaanik soqutiginnikkaluttuinnarput. Paamiuni aappaagu qaannamik unammersuarnissani japanimit peqataaniat piareersartut, Sisimiut aviisiat SivdleK´ allappoq.
Illoqarfimmi Futtu City Chibami 2002-mi peqatigiiffiliortoqarpoq taallugu ”Qajaq Japan”.
Pingaartumik avanersuarmiut qajaat tappavani soqutigineqarpoq, avanersuarmiullu qajalioriaasiat naapertorlugu peqatigiiffimmi ilaasortat qaanniorsimallutik.
Sisimiormiu 22-nik ukiulik, Maligiaq Padilla, ilaatigut ikiortigalugu japanimiut qajartorneq sungiusarsimavaat, Maligiaq japanimi ukiimmat ilinniartitsisoralugu.