Aningaasannanniutigalugu arfanniartalernissamik piumasartik Japanimiut aalajangiusimavaat, tamannalu Arfanniarneq Pillugu Ataatsimiititaliarsuup ukiumoortumik massakkut ataatsimeersuarnerani saqqummiuteqqikkaat, nutaarsiassaqartitsivimmi Ritzaumi allaaserineqarpoq.
Japanimiut siunnersuutaat, tassalu aningaasannanniutigalugu arfanniartarnerup eqquteqqinneqarnissaa, ataatsimiititaliarsuarmut ilaasortaasunit nunanit 76-init sapaatip akunnerani uani taasissutigineqassaaq.
Aningaasannanniutigalugu arfanniarnertarnermut inerteqqutip ukiut 21-it matuma siornagut atuutilersup atorunnaarsinneqarnissaanut Norgemiut Islandimiut danskillu isumaqataapput.
Nunat aningaasannanniutigalugu arfannniartarnissamut akerliusut ataatsimiititaliarsuarmi amerlanerussuteqarput, nunat akerliusut arlallit siorna ilaasortanngortinneqarsimammata.
Japanimiut ilisimatusaatissanik ukiumut 700-t missaanni arfattassinneqartarput, Norgemiut tunisassiassaannik 1000-inik pisassinneqartarlutik kiisalu Islandimiut siorna 60-inik pisassinneqarsimapput.
Nunat inoqqaavinut arfattassiissutigineqartartut allanngortinneqartariaqartut USA nunallu arlallit kissaateqartut, Ritzau allappoq.