Japanimiut Kangerlussuarmut pilerisaarneqarput
Tassami Nunatsinni Takornariaqarnermi Inuussutissarsiornermullu siunnersuisoqatigiit japanimiusut naqitaqarput Kalaallit Nunaat pillugu paasissutissiamik imalimmik, paasissutissiarlu atorlugu takornariat japanimeersut tusindtillit Kalaallit Nunaannut takornariarnissaannik pilerisaarniarpaat
Nunatsinni Takornariaqarnermi Inuussutissarsiornermullu Siunnersuisoqatigiinni suliniutinut attaveqaqatigiinnermilu pisortap Anders La Cour Vahl naqitaq Kangerlussuarmi suliniutiminut atatillugu pilersippaa.
Pilerisaarinermi japanimiut tusindtit Kangerlussuarmut 2011-mi ukiuunerani takornariarnissaat anguniarneqarpoq, tikeriarpatalu pitsaanerpaamik takornariat sullinneqassapput siunissami uteqqittuaannarnissaat anguniarlugu.