Japanimiut kalaallinik illiipput
-Arferup neqaa kalaallinut tunineqartarnersoq tunniutiinnarneqartarnersorluunniit apeqqutaanngilaq, nungusaataanngitsumilli tunngavilimmik pisassiisarneq apeqqutaanerpaavoq. Kalaallit Nunaata nungusaataanngilluinnartumik arfanniartarnertik qangarsuarli takutereerpaat neqaalu tuniniarneqartaraluarpalluunniit pissutsinik allanngortitsinavianngilaq, Japanimiut peqatigiiffiat nalunaarummi allappoq.
Peqatigiiffik Japanimi arfertuumasut peqatigiiffigaat, Kalaallit Nunaannullu arfattasseeriarluni Japanimut arfattasseerusuttannginneq ilumoortuusaarniarnertut oqaatigaat. Japanimiut qangali arfattassinneqartarnissartik kissaatigisarigaluarlugu, manna tikillugu iluatsitsinikuunngillat. Taamaammat ”ilisimatusarneq aallaavigalugu arfanniarneq”-mik taallugu Japanimiut amerliartuinnartunik arfattarput, taakkualu amerlanersaat Japanimiunut arfiminertugassiissutigineqartarlutik.