Japanimiut arfiutilissuupput
februaarip 14-at 2006 05:17
Japanimiut arferup neqaanik pilissuupput. Australiamiut avisiat Herald Sun allaaserisaqarpoq japanimiut arferup neqaanik 5000 tonsinik tunisinnaanngisaminnik peqartut.
Neqillu tunisinnaanngisatik maanna qimminut nerisassiarinialerpaat.
Tamanna paasineqarpoq Japanimiut qalasersuarmi kujallermi arfanniarlutik aallarteruttortut. Japanimiut arfattassatik ukioq manna amerlisimavaat, tikaagulliit tusindilippassuit pisassarineqarlutik. Japanimiut suli oqartuarsinnarput arferit pisatik ilisimatusarnermut atortarlugit.
Siornatigut oqaatigineqartarpoq arferit neqaat Japanimi atuarfinnut sassaalliutigineqartartut. Maannali aamma qimminut nerisassiassatut atorneqartussanngorput.