Suliffeqarfissuit inussutissalerisut arferit neqaannik nioqquteqarnermit animmata Japanimiut arfanniarnerat eqqugaavoq.
Japanimiut arferit neqaannik tuniniaavissuanni piginneqataasup suliffeqarfissuup Nissui-p piginneqataassutsini tuniniarpai.
Uumasunik illersuiniaqatigiiffiit akiuiniarlutik iliuuseqaqattaareersullu Nissui piginneqataassutsiminik tuniniaassalluni aalajangertoq, New Zealandip aviisia Herald allaaserinnippoq.
Aningaasarsiutigalugu arfanniartarnissaq Japanimiut sorsuutigiuarsimavaat, Japanimiullu ilisimatusaatissaminnik ukioq manna 1.000-inik tikaagullereersimapput.