Japanip avannaani ullumi nuna sajummat inuit arfinillit ajunaarput aqqanillit maqaasineqarlutik inuillu 140-t missaat timimikkut innarlerneqarsimasut aviisip B.T.-p allaaseraa.
Nunap sajunneranut richterip uuttuutaa naapertorlugu nunap sajunnera 7,2-mik sakkortussuseqartoq oqaatigieneqarpoq, tamannalu Japanip avannaani qaqqartuuni pivoq.
Inuit aqqanillit maqaasineqartut sakkutuut qulimiguujutaannik annaassiniartartunillu ujaarineqaraluarput, silali taarsimmat qaqqartoqimmallu ujaasineq ajornaatsuinnaanngitsoq erseqqissaatigineqarpoq.
- Nunap sajunnera aatsaat taama sakkortutigisoq misigaara, taama pisiniarfiutillit ilaat oqaluttuarpoq, taassuma pisiniarfiutaani puiaasat aseruatitersimapput ilisiviillu nerisassanik ilitsiviit uppikaasimaqalutik.
Tokyo-mi naalakkersuisut aamma tamanna pillugu aalassassimaarput.
- Pingaarnerpaatut iliuusissarput tassa inuit inuunerinik sapinngisamik amerlanerpaanik annaassiniarnissarput, sapinngisarpullu tamaat iliorpugut, taama Japanip ministeriunera Yasuo Fukuda issuarneqarpoq.