Fukushimamimi atomimik nukissiorfik Japanimi immap naqqani nunap 2011-mi sajorujussuarnerani ajutoorfiuvoq, maannalu saliisoqarneranut atatillugu imermik qinngornernik ulorianartunik radioaktiviusunik akulimmik immamut Manerassuarmut aniatitsisoqartariaqarpoq.Assi: TEPCO/Flickr Creative Commons

Japanimi naalakkersuisut imermik qinngornernik ulorianartulinnik Manerassuarmut aniatitsiniartut

Atomimik nukissiorfimmi Fukushimami saliisoqarneranut atatillugu imermik qinngornernik ulorianartunik radioaktiviusunik akulimmik imaanut aniatitsinissaq pisariaqarpoq.

Japanimi atomimik nukissiorfimmi Fukushimami saliisoqaleruttorpoq, Fukushimamimi atomimik nukissiorfik Japanimi immap naqqani nunap 2011-mi sajorujussuarnerani ajutoorfiuvoq, nukissiorfiullu ingerlatsisuata maanna nalunaarutigaa imermik qinngornernik ulorianartunik radioaktiviusunik akulimmik immamut Manerassuarmut aniatitsisariaqalerluni.

Tuluit aviisiisa ilaat The Guardian Japanip avatangiisinut ministeriata nalunaarutaa aallaavigalugu taama allaaserisaqarpoq.

Japanip taama iliuuseqarniarnera avatangiisinik illersuiniaqatigiiffinnit assigiinngitsunit isornartorsiorneqarpoq.

Nunap iluata ernga Tritiumimik mingutsinneqarsimasoq matumani pineqarpoq. Tritium qinngornernik ulorianartunik akoqarpoq.

Atomimik nukissiorfiit sinerissamiittut imermik annikitsumik Tritiumitalimmik aniatitsigajuttarput. Tritium pinngortitami nassaassaavoq, annikitsuinnaallunili.

Avatangiisinik illersuiniaqatigiit apeqqusiisut

Imeq Tritiumitalik Fukushimamit ukiuni tulliuttuni 17-ini aniatinneqassaaq, akuneqarsimassallunili, taamaalinikkut mingutsitsivallaarunnaassalluni.

Taamatulli aniatitsisoqarniarnera avatangisiinik illersuiniaqatigiiffiit isornartorsiorpaat.

Japanimili naalakkersuisut tamanna tusaannginngitsuusaaginnarpaat:

- Erngup akuneqarluni immamut aniatinneqarnissaa allaqqunneqarsinnaanngilaq, Japanip avatangiisinut ministeria Yoshiaki Harada oqarpoq.

Immikkulli ilisimasallit siunersioqqaarneqassapput, kingornalu aalajangivittoqarumaarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat