Assi: Kyodo/Reuters/Ritzau Scanpix

Japanimi anorersuarujussuarnera pissutigalugu qimagussuisoqartoq

Japanimi anorersuarujussuaq kaavittuliortoq Hagibis Japanimut anngukkiartorpoq tamatumalu malitsigisaanik inuk ataaseq ajunaarpoq pingasullu maqaasineqarlutik.

Japanimi pisortaat inassutigaat, inuit 7,3 milliuunit qimagussorneqassasut, anorersuarujussuarneratigut biili uppimmat aquttoq ajunaarpoq, inuillu pingasut suli maqaasineqarlutik.

Japanimi 1958-imili taama sakkortutigisumik anorersuarsimanngilaq. Anorersuarujussuanera sakkukilliimilaaraluartoq anorlertupilussuuvoq siallerlunilu - qarsutsisoqarnissaalu pisortat ernumassutigaat.

Anorersuarujussuartussaanera aarlerisaarutigineqarmalli ilaatigut timmisartuussinissat taamaatinneqarput.

Rugbyerluni VM-imi unamminissat marluk arfininngornermi pisussaagaluartut anorersuarujussuarnissa pillugu taamaatinneqarput, aaqqissuisut ilisimatitsipput.

Unamminissaq alla aamma anorersuarujussuarnissaa pillugu allannguuteqarfiuvoq, Japanimiut Formel 1 granpriximik unamminissaat sapaammut nuunneqarpoq.

Pisortat qimagussuinissamik piumasaqareeraluartut innuttaasut 50.000-it sinnilaarlugit peqqussut malippaat.

/ritzau/AFP

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat