Ukiuni 31-ni siullermeertumik: Japanimiut nerisassaminnik arfanniarsinnaalertut
Japanimiut arfanniat arfermik tuniniagassamik nerisassamillu pisaqaqqipput. Japanip Nunat Tamat akornanni Arfanniarnermut Ataatsimiititaliarsuarmi ilaanerani niuerniarmi atugassanik arfanniartarneq ukiuni 31-ni pisortatigoortumik inerteqqutaagaluarpoq.
Tikaagullik japanimiut piniarsinnaaleqqitaasa ilagaat.
Allattoq Bikki P. Kleist
juulip 01-at 2019 15:32
Japanimiut arfanniartartut ukiut 31-t qaangiutereersullu niuernermut tunngasunik siullerpaamik arfanniarsinnaanngornerat nuannaarutigineqarpoq.
Dr.dk. taama allaaserisaqarpoq.
Aaffanniaqqusaannginneq pillugu nunani tamalaani Japani ukiorpassuarni isornartorsiorneqartarsimavoq - japaniummi pisatik ilisimatusarnermut atugassatut nassiuaatigisaraluarpaat - naak pisat tuniniarneqartaraluartut.
Japanimiullu piniaqqusaannginnertik pissutigalugu Nunat Tamat akornanni Arfanniarnermut Ataatsimiititaliarsuarmit ukiup affaa qaagiutereersorlu ilaasortaajunnaarput.
Taamaalillutik Japanimiut ilaatigut tikaagullinniaqqissinnaanngorput.