Japan qimararlugu aallartipput
Atomip nukinganik nukissiorfissuarmi Fukushimami qinngornernik navianartunik qinngornerit pissutigalugit innuttaasut illoqarfiit pingaarnersaat Tokyo qimaqqullugu nunat arlallit maanna kajumissaarutigaat.
marsip 17-at 2011 06:09
Amerikamiut naalakkersuinermik suliaqartut USA-mit maanna qimarngussorneqalereerput. Nukissiorfimmi pisut qanoq sunniuteqartigissanersut suli iluamik paasisaqarfigineqanngimmata tamanna pisariaqalersimavoq.
Nukissiorfimmi reaktorit nillusarniarlugit qulimiguullit atorlugit japanimiunit imermik seqqitsarneqarput. Taamami kissartigitillugit qinngornernik navianartunik aniasoqartuasasaq.
Japanimut angalanissat tamarmik taamaatiinnarneqarnissaat Danmarkimi nunanut allanut ministereqarfimmiit maanna kaammattuutigineqarpoq. Timmisartuutileqatigiiffiulli SAS-p, ualeru aallarnissani allanngortinnianngilaa, skandinaviamiut Japanimiit angerlarusussinnaasut timmisartuunnissaat ilaatigut eqqarsaatigalugu.
