Januaarimi pisarnermit nittaanneruvoq
Nunatsinni sumiiffinni amerlanerni ukioq manna januaari nittaattuarlunilu siallertarpoq.
Silasiorfiup DMI-p, Asiap, misissueqqaarnerillu, Det Grønlandske forundersøgelser misissuineranni paasivaat Qaqortumi, Nuummi Tasiilamilu pisarnermit annertunerusumik nittaallunilu siallersimasoq.
Qaqortumi nuianerungaatsiarsimavoq, agguaqatigiissillugulu qaammat januaari pingasoriaammik nittaannerullunilu siallernerusimavoq, tassami 176 mm-teri nakkarsimagami.
Januaarip qaammataani Nuummi marloriaammik annerusumik nittaallunilu siallersimavoq.
Ukiut sisamat qaangiummata aamma taamaassimavoq, tassa ukioq-manna 100 mm-teri nakkarsimavoq.
Tasiilami pisarnermik annerusumik 200 mm-terinik nittaallunilu siallersimavoq.
Taama aputeqartigimmat, sisorartartut apuseriumatuullu qutsatiinnassavagut.