Assi: ClaraDon/Flickr Creative Commons

James Bond pillugu filmiliassap tullia Norgemi ilaatigut immiunneqarsinnaasoq

Kilitsissiaq pillugu filmiarineqartartut ilaat James Bond pillugu filmiliassat tulliat Norgemi ilaatigut immiunneqartussanngoratarsinnaavoq.

Det Norske Filmistitut nutaarsiassaqartitsiviit ilaannut NRK-mut taama ilisimatitsivoq.

Instituti taanna Norgemi naalagaaffimmit aningaasalersorneqarpoq, James Bondilu pillugu filmiliassap tulliata Norgemi ilaatigut immiunneqarsinnaanissaa institutip 36 millionit koruuninik aningaasaliiffigisimavaa.

Hollywoodimit filmiliat ilaat Norgemit aatsaat taama maanna aningaasaliiffigineqartigaaq.

James Bond pillugu filmiliat 25-ssaat, "Bond 25"-imik maannamut taaguuserneqaannarsimasoq, filmiliarineqartussanngorpoq.

Filmiliassaq naammassereerpat Norgemit immiussanik imaqarsinnaanissaa qulakkeerneqarsinnaanngitsoq NRK-p allaaseraa, filmiliortoqarnissaanulli Norgemit 36 millionit koruuninik aningaasaliisoqarneratigut tamanna immaqa qulakkeerneqarsinnaasoq oqaatigineqarpoq.

"Bond 25"-imik immiussinerit marsimi aallartinnissaat naatsorsuutigineqarpoq, filmiliallu aappaagu 2020 februaarimi saqqummersinneqarsinnaanissaa naatsorsuutigineqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat