Jakob Larsenip siunissani eqqarsaatigaa
- Massakkorpiaq eqqarsaatiga unaavoq nunanut allanut unammisartuujunnaarlunga arsaattarfiup avataani arlaannik suliaqalerniarlunga, Jakob Larsen Fyens Amts Aviisimit apersorneqartilluni oqarpoq.
Assammillu arsartartup taassuma nuannarineqaqisup kalaallit nunanut allanut unammisartui arsaattarfiup avataaniit ikiorluareerpai. Jakob Larsenimmi GOG-mi holdeqatimi ilaat, målmandit pingajuat, Christoffer Buchhave, neriorsoreersimavaa, kalaallit tulliani sungiusaatigalugu unammilerpata målmandiujumaartoq.
Kalaallit danskit inuusuttut nunanut allanut unammisartuinut Skivemi decembarip ulluisa aallaqqaataanni sungiusaatigalugu unammissapput. Christoffer Buchhavillu tassani målmandiunissaa kisiartaassagunanngilaq.
- Christoffer Buchhave neriorsumisaareerparput kalaallit assammik arsartartut nunanut allanut unammisartuini siunissami ingerlaannassagunartoq. Taamaasiussagunili Kalaallit Nunaanni suleqqaartariaqassaaq, Jakob Larsen Fyens Amts Aviisimit apersorneqartilluni oqarpoq.
