Jakob Larsen assammik arsartartuuginnassaaq
Nunanut allanut unammisartuni unammeqataasartoq Jakob Larsen danskit assammik arsarlutik unammisartuini nuimanerni arsartarluni ingerlaannassaaq. Taassuma Faaborg HK-mik 1. divisionimi aasaru unammeqataanissaminut isumaqatigiissut atsioraa, TV2 Fynip oqaatigaa.
februaarip 03-at 2010 11:57
Jakob Larsenip ilinniakkami nangeqqinnissaat eqqarsaatigigaluarpaa klubbia GOG Svendborg akiliisinnaajunnaarmat. Maannali tassa isumaqatigiissummik nutaamik atsiugaqarpoq.
Faaborg HK-p tamatumunnga peqatigitillugu danskit nunanut allanut unammisartuanik Kasper Nielsenimik isumaqatigiissut atsiorpaa. Taakkua marluullutik klubbimut timersornikkut annertuumik iluaqutaajumaartut TV2/Sportenimi assammik arsarnermut immikkut paasisimasalik Bent Nyegaard naliliivoq:
- Timersorneq eqqarsaatigalugu Faaborg HK siuariaallarujussuarpoq. Kasper Nielsenip Jakob Larsenillu klubbi illersuinikkut nukittuumik ingerlatissavaat. Timersortartut taakkua ilanngunnerisigut qaffaallannissaq qulakkeerneqarpoq, Bent Nyegaard TV2/Fynimut oqarpoq.
