Jakob Janussen: Per Berthelsen-ip Siumumut nuunnermigut tutsuiginassutsi ajoquserpaa
Qinerisartunik misissuineq kingulleq naapertorlugu Demokraatit qinersisaat 2005-imut naleqqiullugit 5 procentinik ikileriassapput., taamaalillutik qinersisartut 18 procentinit taagorneqassallutik. Taamani siulittaasuusoq Per Berthelsen 2005-imi qinersinermi qinersisartut 10 procentiannit qinerneqarpoq.
Siumut qinersisai aamma 3 procentinik ikileriassangatinneqarput, taamaammallu Per Berthelsen partiimut allamut nuunneranera qinersisaasa maliinarnianngikkat ilimanarpoq. Jakob Janussen ima oqarpoq:
- Tassami eqqumiigineqassaaq, inuk partiimut illua-tungiliuttutut sakkortuumik saqqummersartoq, partiimut tassunga imaaliallannerinnakkut illersuisunngormat. Taassumalu saniatigut aamma naatsorsuutigisariaqarunarpoq, partiip anguniagai apeqqutaatippallaarnagit kisianni ukiuni kingullerni qaammatinilu kingullerni pissutsit saqqummertartut Siumup taaguunneqanngineranut sunniuteqartussaammata.
Imannak aamma oqartoqarsinnaava, Per Berthelsenip tutsuiginassusia apeqquserndeqartoq?
- Tassami politikeritut suliniaraanni, isummat suut tunngaviginerlugit saqqummerneq aallaaviusarpoq. Taavalu isummat tunngavigisat tunullugillusooq allarluinnarmut sanguneq, qinersisartut maluginngitsoornavianngilaat, KNR-ip qinersinermi naliliisartua Jakob Janussen oqarpoq.