Jacob Zuma præsidentitut ivertinneqarpoq
Jacob Zuma Sydafrikami præsidentitut ullumi uppernarsaatinneqarpoq.
maajip 09-at 2009 13:33
Zuma, partiimi nunami naalagaaniaqisumi, ANC-mi, siulittaasuuvoq, ukioq-mannalu apriilip ulluisa 22-anni qinersisoqarmat 65,9 procentinit taaguunneqarluni ajugaarujussuarpoq.
67-inik ukiulik, Zuma, apartheidimut akiuunnikorujussuuvoq, inersimasuuninilu tamaat aniguisitaanissamut suliniaqatigiiffimmi ilaasortaajuarluni.
Nelson Mandela 1994-imiit 1999-ip tungaanut præsidentioreersorlu Jacob Zuma Sydafrikami præsidentit pingajoraat. Zuma ullumi ivertinneqarmat Mandela peqataavoq. Præsidentinngortorlu Zuma oqalugiarami Mandelamut ima imaqarnersiuivoq:
- Saammaateqatigiinneq præsidentiunermi nalaani pilersippaa. Tamanna allamut sangutinnavianngilarput, Zuma oqarpoq.
