Jackson ullumi eqqaaniarneqassaaq

Popimik erinarsortartup tusaamasarsuup Michael Jacksonip toquneranit sapaatip akunneri marlungajaat qaangiutilersullu, nuannarinnittai nunarsuarmi sumi tamaneersut, millioninik hunnorujulikkaanik amerlassuseqartut, ullumi nuannarisartik inuulluaqqussavaat.
Allattoq Elisa Isaksen
juulip 07-at 2009 11:01

Jacksonip ilaqutai ikinngutaalu qaninnerit Los Angelesimi Hollywood Hills-imi Forest Lawnip oqaluffiani kusanarluinnartumi, ullumi maani nalunaaqutaq ataatsimut ilisillutillu eqqaaniaallutik naalagaqiaqatigiissapput.

Tamatuma kingornagut Los Angelesimi Staples Centerimi eqqaaniaalluni tusarnaartitsinersuaq ingerlanneqassaaq. Nuannarinnittai 1,6 millionit missaanniittut, nunarsuarmi sumi tamarmeersut qarasaasiakkut eqquiniaanermi akeqanngitsumik bilitsissaminnik pilernguttut akornannit 17.000-it missaat tusarnaartitsinermi peqataassapput.

Tusarnaartitsinermi nalunaaquttap akunnerinik marlussunnik sivisussuseqartussami susoqarpiassanersoq ilisimatitsissutigineqanngilaq, taamaattorli ilaatigut erinarsortartut Stevie Wonder, Mariah Carey, Lionel Rithie kiisalu baketballertartup tusaamasap Magic Johnsonip peqataanissaat naatsorsuutigineqarpoq.

Jacksonimik eqqaaniaalluni tusarnaartitsineq unnugu nalunaaqutaq arfineq-pingasunut KNR-TV-kkut nalunaaquttap akunnerani ataatsimi aallakaatinneqassaaq, DR1-imillu toqqaannartumik isiginnaarsinnaasut ualimut maani pingasunut tanneq aqqanermiit malinnaaffigisinnaavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq