Jørgen Wæver Johansen unammillerpoq

Siumup siulittaasussaanik februaarimi ataatsimeersuarnermini qinersilerpat Hans Enoksen unammillertissaqalerpoq. Unammillerniarluni nalunaartoq tassaavoq, Namminersulivinnissamut Naalakkersuisoq, Jørgen Wæver Johansen.

- Uagut Hansilu assigiinngissuteqaqaagut. Hansip periusaa ataasiuvoq, uanga periusera allaavoq. Uangalu naliliisinnaanera naapertorlugu Siumumut iluaqutaanerpaasussaq taannaavoq naniniagassarput. Isumanga naapertorlugu partiimut pitsaaerpaamik angusaqartitsisinnaavunga. Taannalu tunngavigalugu siulittaasussatut sassarpunga. Jørgen Wæver Johansen oqarpoq nangillunilu:

- Isumaqarpunga suna tamrmi immini piffissaqartoq, siornatigut aamma Hans Enoksen unammillereernikuuara, maannakkullu piffissaasoraara partiip ataatsimoornerulernissaa, aammalu siunnerfinnik naleqqanik nutaanik partiip peqalernissaa.

Taamak oqarpoq Naalakkersuisoq Siumullu partiianni siulersuisuunernut ilaasoq aammalu Siumup siulittaasussaatut qineqqusaarniartoq, Jørgen Wæver Johansen. Naggasiutigalugu oqaatigaa Siumup siulittaasussaatut qineqqusaarnermini partiiminit, immikkoortortaqarfinniit aammalu inatsisartunit tapersersorneqarluarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat