Jørgen Kristensen rekordiliivoq
Edvardt Samuelsen Qasigiannguaneersoq qaninnertut unammillertaavoq Avannaata Qimussersua ullumi Qasigiannguani ingerlanneqarmat. Taamaattoq allanngortissinnaanngilaa Jørgen Kristensenip ajugaanera taamalu rekordiliiluni. Tassami pingasoriarluni tulleriiginnarnik aammalu katillugit sisamassaa Avaannaata Qimussersuanngorsimasutut Jørgen Kristensen rekordiliivoq.
Edvardt Samuelsen aamma ajugaasuuguni rekordiliisimasinnaagaluarpoq ullumi ajugaasimasuuguni sukkaniunnersuarmi tassani pingaartinneqaqisumi sisamariarluni ajugaasimasutut.
Aajuku Avannaata Qimussersuani siulliit tallimat:
1. Jørgen Kristensen, Ilulissat
2. Edvardt Samuelsen, Qasigiannguit
3. Andreas Broberg, Uummannaq
4. Otto Kristensen, Upernavik
5. Kuno Markussen, Ilulissat