IWC Tokyomi ataatsimiilerpoq

februaarip 12-at 2007 11:03

Nunarsuatsinni arfanniartarneq pillugu Japanimi aqagumiit ataatsimeersuartoqalerpat Danmarki – taamatullu Kalaallit Nunaat Savalimmiullu – nunanut EU-mut ilaasortaasunut allanut naleqqiullugit – peqateqassanngillat. Nutaarsiassaqartitsivik Ritzau naapertorlugu, nunanut allanut Danmarkimi ministeri, Per Stig Møller, ilisimatitsivoq, Arfanniarneq pillugu Ataatsimiititaliarsuup, IWC,-p ataatsimiititaliamut ilaasortaani aallartitanilu nalinginnaasuni allani Danmark sinniisuutitaqassasoq, minnerpaamillu ataaseq Kalaallit Nunaannut sinniisuussalluni. Arfanniarneq pillugu Ataatsimiititaliarsuaq, IWC, siorna ataatsimeersuarmat, arfattassat pillugit Danmark 33-32-mik amerlanerussuteqaqqalaarpoq, taamaammat danskit ukioq-manna peqataatitaqartariaqarluni. Aningaasarsiutigalugu arfanniartarneq pillugu oqallinneq kingusinnerusukkut nangeqqinneqassappat, Danmarkip maanna peqataatitaqarnera pingaaruteqariaannaassaaq. Nunat 72-it IWC-mut ilaasortaapput, Tokyomili ulluni pingasuni ataatsimiinnissamut ikittuinnaat nalunaarsimapput, nunat ikinnerpaamik 26-t peqataaniaratik aalajangersimasut, nunat EU-mut ilaasortat USA-lu taakkununnga ilaallutik. Avatangiisit pillugit suliniaqatigiiffiit arlalissuit uumasunillu illersuiniaqatigiit Danmark ataatsimeeqataaqqunagu aamma kajumissaarpaat.