IWC-p siuttua ernumaqqusinngilaq

Nunatta imartaani arfanniarnerup avataanit isornartorsiorneqarnissaa arfanniarnermut tunngasunik nunat tamat ataatsimiititaliaata IWC-p siulittaasuata danskiusup Henrik Fischerip ernummatigeqqunngilaa:

Naalakkersuisutta qilalukkanik pisassanik amerliliinerisa isornartorsiorneqarnera, nunat tamat arfanniarneq pillugu ataatsimiititaliiata IWC-p siulittaasuata danskiusup Henrik Fischer-ip,ernummatigeqqunngilaa. Nunat avatangiisitta innuttaasa Namminersornerullutik Oqartussat arfanniarneq pillugu, pingaartumik qilalukkanik pisassanik, killilersuinera naammagisimaarlugu akuersaarpaat.

Henrik Fischer-ip uppernarsarpaa nunat tamat arfanniarneq pillugu ataatsimiititaliap IWC-p, nunatta imartaani qilalugarniarneq isornartorsiussallugu pisussaaffiginngikkaa. Ukiut tamaasa arfernik minnernik piniartoqarnissaanik killilersuisoqarnialeraangat Nunatta Danmarkillu peqatigiillutik paasissutissanik tunngavilersorluakkanik saqqummiussisarput.

Arfanniarneq ataatsimut isigalugu illiisoqarlunilu akerliusoqartarpoq. IWC-illi siulittaasuata aappaagu ataatsimeersuarnissaq isumalluarfigaa, aatsaammi 2007-imi tikaagullinnik tikaagulliusaanillu pisassanik akuersissutinik agguaassisoqartussaavoq.

Isumaqatigiinniarnerni unissutigineqarpoq arfanniarnermi nalunaarsuinissap qanoq aaqqissuunnissaa. Henrik Fischer-illu isumaqatigiinniarnerit akunnattoorfiuneri qanoq anigoriarneqarsinnaaneri nalornisoorutigai.

Nunat tamat arfanniarnermik siunnersuisoqatigiivi tulliani naapissapput aappaagu Caribiap imartaani qeqertaaqqani St. Kitts-imi Nevis-imilu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat