IWC-mut ICC naammagisimaarinninngilaq
IWC-ip Korea kujallermi ataatsimeersuarnerani nunatsinnut tunngatillugu inernerusut Inuit Issittormiut Kattuffiannit ICC-mit naammagisimaarneqanngilluinnartut, ICC-ip nunatsinni siulittaasua Aqqaluk Lynge nalunaarpoq.
Naammagisimaarinninnginneq nunatta tikaagulliusaartassaasa affaannanngortinneqarnerannik tunngaveqarpoq.
Tikaagulliusaat amerlassusaat ilisimatuussutsikkut iluamik puttarsineqarnikuunngimmat nunatta aappaagu 2006-imi 2007-imilu pisassai 19-iniit qulinut ikilipput.
Tamanna neqissap 90 tonsip annaaneqarneratut naleqarluni.
- Tamanna assut ajuusaarnarpoq akuersaarneqarsinnaananilu, Aqqaluk Lynge oqarpoq.
Pinngortitaleriffiup arfernik kisitsinermik ingerlatsisartup suliassamik naammassinnissimannginnera Aqqaluk Lyngep paasisinnaannginnerarpaa.
Piniarnermut Aalisarnermullu naalakkersuisoq Rasmus Frederiksen tamanna pillugu nassuaasariaqartoq Aqqaluk Lynge oqarpoq.