IWC-mit ilaasortaajunnaarnissaq misissorneqaleruttorpoq

Kalaallit Nunaat, Savalimmiut Danmarkilu nunat tamat arfanniarnermut ataatsimiititaliarsuarmut ataatsimoorlutik ilaasortaapput, inatsisitullu piuminaatsortaa uaniippoq; nunat taakku arlaat IWC-mut qanoq ililluni ilaasortaajunnaarsinnaava?

IWC-mi kommissæri, Ole Samsing, nunanut allanut ministereqarfimmeersoq, ilisimatitsivoq, IWC-mi suleqatigiit, Kalaallit Nunaanniit Savalimmiuniillu ilaasortaatitallit, aamma Danmarkimi ministereqarfiit, inatsisitigut periarfissat pillugit erniinnaq saqqummiussiffigissamaaritik.

Kalaallit Nunaat ilaasortaajunnaassagaluarpat, nunat tamat arfanniarnermut ataatsimiititaliarsuanut pernaammik ilaasortaajunnaartoqassanngilaq. Norge, Sverige, Brasilia Hollandilu IWC-mut siusinnerusukkut ilaasortaajunnaaraluarnikuupput, kingusinnerusukkulli ilaasortanngoqqinnikuullutik.