IWC-mit ilaasortaajunnaarnissamut kissaateqarneq misissorumavaa
-Suliassaq ajornakusoortorujussuuvoq, eqqarsaatigilluartariaqarparpullu qanoq iliorutta naalagaaffeqatigiinnerup soqutigisai qularnaarsinnaanerivut, Per Stig Møller Aalisarnermut Piniarnermullu Naalakkersuisumut, Finn Karlsenimut, akissuteqarluni allappoq.
Nunat tamat arfanniarnermut ataatsimiititaliaani, IWC-mi, suleqatigiissitami pilertortumik, aallarnisaataasumillu oqallisigineqarnissaa danskit nunanut allanut ministerianit, Per Stig Møllerimit, neriorsuutigineqarpoq.
Qipoqqartassinneqarnissaminik kissaateqartarnermini IWC-mit arlaleriarluni itigartinneqartarnini nunat tamat arfanniarnermut ataatsimiititaliaanit, IWC-mit, ilaasortaajunnaarniarnerminut Kalaallit Nunaata tunngavilersuutigaa.
Atlantikup Avannaani miluumasut imarmiut pillugit ataatsimiititaliaq, NAMMCO, Ilulissani aasaq ataatsimiimmat, Kalaallit Nunaata qulinik aappaagu qipoqqartassinneqarnissaa innersuussutigineqarpoq.
Kalaallit Nunaata IWC-imit ilaasortaajunnaarniarnera
Atlantikup Avannaani miluumasut imarmiut pillugit ataatsimiititaliap, NAMMCO-p, tapersersorpaa.