IWC-mi ataatsimiinnissaq

Nunat tamalaat arfanniarneq pillugu ataatsimiititaliarsuat IWC, Caribiami Sankt Kittsimi Nevis-imilu aasaru juunimi 58-sissaannik ataatsimeersuartitsissaaq, ataatsimeersuarneq sioqqullugu isumasioqatigiinnerit ingerlanneqassallutik.

Ukioq manna isumasioqatigiinnissami uumasut pisarineqartartut qanoq ililluni piniagaasarnerat kiisalu qanoq toqusarnerat paasititsiniutigineqarlunilu sammineqassaaq, tassanilu nunarput paasititsiniiaangaatsiassasoq Piniarnermut Pisortaqarfimmit ilisimatitsissutigineqarpoq.

Isumasioqatigiinnissamut najoqqutassat pilersaarusiorneqarnerat suli naammasseqqajanngilaq, taamaattorli pinerit tamaasa nunatsinnit peqataasunillu tamanit nalilersorneqarlutillu paasititsiniutigineqartartut tassaasarput nunani pineqartuni arfarniariaatsit atorneqartut, kiisalu piniutit atorneqartut.

Piniutit pitsaassusii atorneqarneri qassiunerilu pillugit minnerpaaq tikillugu isumasioqatigiinnerni nalilersorneqartartut, Piniarnermut pisortaqarfiup pisortaa Amalie Jessen ilisimatitsivoq.

Arferit qanoq isillutik pisarineqartarnerat qanorlu sivisutigisumik toqujartortarnerannut tunngasunik nalilersueqqisaartoqartartoq Amalie Jessen oqarpoq.

Isumasioqatigiinneq IWC-ip aaqqissuuttarpaa.

IWC-mi nunat 66-it ilaasortaapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat