Ivittuut suleqatigineqarusuppoq

Ivittuut Kommuniat Kujataani Kommuninut pingasunut suleqatiserinnippoq sakkutooqarfiunerali pissutigalugu Kanukokamut nalilersortinneqassaaq ilaasortanngornissaa sioqqullugu.

Nanortalik, Qaqortoq, Ivittuut Narsallu kommunii ulluni kingullerni pingasuni ataatsimeeqatigiikkamik siunissami suleqatigiissutigineqarsinnaasut oqaluuseraat. Ataatsimiinneq siulittaasoqarfimmi Narsap Kommuniani ingerlanneqarpoq. Narsap kommuniata siulittaasoqarfik januaarip aallaqqaataani ukioq manna Qaqortumiit tiguaa, paarlakaajaattussaaneq siunertaammat.

-Ilumoorpoq uagut Ivittuuniit kissaatigigipput kujataani kommuninut suleqateqalernissaq. Ilaasortanngornissamut qinnuteqaaterput januaarimi aalajangiiffigineqassaaq, Ivittuut borgmesteriat Nukaaraq Hansen oqarpoq.

Ivittuut Kommuniat kujataamioqatigiinnut ilaasortanngorsinnaassanersoq apeqqutaavoq, sakkutooqarfiunera pissutigalugu. Tamanna pillugu Kujataani kommunit suleqatigiit Kanukoka-mut saaffiginnissuteqassapput Ivittuut Kommuniata taama inissisimanera siunissami kommunit kattussuunnissaannut atatillugu nalilersoqqullugu.

Nanortalillip Kommunia siornatigut saqqummertaraluarpoq kisimi kommuniuniarluni suleqatigiinissarli ajoriffissaqartinnagu. Upernaaq kommuninut qinersereernerup kingorna Nanortalimmiut Qaqortumut Narsamullu ammanerusumik suleqateqarusunnerulersimapput.

-Ulluni kingullerni pingasuni ataatsimiinnitsinni annertuumik oqaluuserineqarput takornariaqarneq kommunillu kattussuunnissaat. Kommunit ataatsimeeqatigisagut peqatigalugit takornariartitsisarneq siunissami siuarsarusupparput, Ivittuut borgmesteriat Nukaaraq Hansen ullo´qeqqata siorna Narsamiit aallannginnermini oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat