Ivittuut Kommuneat KANUKOKA-p ataatsimiisitsinerani maqaasineqarpoq
KANUKOKA-p aallartitaasa ataatsimiinneranni nunatsinni kommunit 18-t tamarmik peqataatitaqanngillat. Ivittuut kommuneat peqataatitaqanngilaq kujataanilu kommunit aallartitaasa maqaasivaat.
- Ivittuut kommuneata peqataanissaa pingaartipparput. Kujataani nunamik immikkoortiterinissaq eqqarsaatigalugu Ivittuup kommuneata qanoq isumaqarfigineraa paaserusukkaluarparput, Kiista P. Isaksen oqarpoq.
Ivittuut kommuniata peqataatitaqannginneranut sivisuallaamik angalanissaq peqqutaatinneqarpoq.
Narsami borgmesteri Kiista P. Isaksen KANUKOKA-p siulittaasuini ilaasortassatut ullaap tungaa toqqarneqarpoq, taassuma Nuup borgmesteria Agnethe Davidsen taarsissavaa. Agnethe Davidsen inatsisartuni ilaasortaanini pillugu kommuneqarfiit kattuffiata siulersuisuini ilaasortaasinnaannginnini pillugu siulersuisunit tunuartariaqarsimavoq.
