Ivittuut Kangilinnguillu eqqaanni pinngortitaq eqqissisimatinneqalerpoq

Nunap eqqissisimatitaalernerata malitsiganik ilaatigut illuaqqat sananeqarnissaat inerteqquttaalerpoq, nunami qamutinik motorilinnik angallanneq inerteqqutaalerluni, imaatigut angalanissaq kiisalu immap ilaani qassusersornissaq killilersugaalerluni, taamatullu sumiiffimmi ataatsimi sivisunerpaamik ulluni tallimani tupersimasoqarsinnaaneranik killilersuisoqarluni. Tassunga ilaapput nunalerinerup nersutaateqarnerullu inerteqqutaanerat.

Aatsitassarsiorneq nalunaarummi aalajangersakkani kisiartaalluni ilanngunneqanngilaq.

- Tamanna pissuteqarpoq Aatsitassarsiorneq pillugu inatsit Pinngortitap allanngutsaaliornissaa pillugu inatsimminngarnit pingaaruteqarnerusoq, Pinngortitami Avatangiisinilu Immikkoortortaqarfimmi fuldmægtigi, Martin Schiøtz, nassuiaavoq.

Kalaallit Nunaanni sumiiffiit eqqissisimatitat sumiinneri uani takuneqarsinnaapput