Ivik Nielsen nerrivimmi arsaararluni DM-ertoqarnerani takutitsilluartoq
Ivik Nielsen pissartanngorniunneq tamaat unammilluarpoq, tamannalu pissutigalugu naggasiinermut annguppoq pissartanngorniuttoqarneranilu nuannersumik tupaallaatigineqarluni, Nerrivimmi Arsaarartartut Kattuffianni siulittaasoq Emil Kleemann taama allaaserisaqarpoq.
- Ivik normu 9-nngorpoq, tamannalu Danmarkimi nerrivimmi arsaarartartut pikkorinnerpaat akornanni angusaavoq kusanarluinnartoq, siulittaasoq oqarpoq.
Ilaatigullu unamminermi pissanganarluinnartumi, kingorna DM-imi kuultinnattumik Anders Lindimik sættimi ataatsimi kisiartaalluni ajorsartitsisuuvoq.
AAMMA ATUARUK Nunatsinneersut Reykjavik International Gameseqarnerani kuultinnattut
- Unammisartuni nunatsinneersuni Danmarkimi pissartanngorniunnerni aatsaat taama angusarissaartigisoqarpoq. Iviup Danmarkimi klubbimi B75-imi ullormut marloriarluni sungiusarfigisartakkamini akunnerpassuarni sungiusartarnermigut taama angusaqarpoq, Emil Kleemann taama allaaserisaqarpoq.
Ivik Nielsenip pitsaasumik ineriartornera nukittorsaqqinniarlugu Nerrivimmi Arsaarartartut Kattuffiat Ivik Nielsenimut aningaasaliisussarsiuleruttorpoq.
AAMMA ATUARUK Timersortartut nersornaaserneqarput