Ivik Nielsen kuultinnattaqattaarpoq
Ivik Nielsen aamma iligiiaarnermi doublemi broncennattoq, Kalaallit Nunaanni Nerrivimmi arsaarartartut Kattuffianni siulittaasoq Siverth Lynge ullumi nalunaarpoq.
Nerivimmi arsaararluni pissartanngorniunneq Tyskland-imi Auslack-imi ingerlanneqarpoq.
Ivik Nielsen, Århusimi unammeqataanermini marlunnittaaq sapaatip-akunnera kingulleq kuultinnappoq.
- Taamaasilluni Ivik Nielsen, ulluinnarni Sisimiuni nerrivimmi arsaarartartut klubbianni BAT-98-mi sungiusartartoq nunarput sinnerlugu Danmarkimi nukappiaqqani nukarlerni pikkorinnerpaatut inissittoq, Siverth Lynge ilisimatitsivoq.
Ivik Nielsen, nukappianut angajullernut aamma unammeqataasalereerpoq angajullernullu ajugaasalereerluni.