Iviangequtinik sapinngisamik amerlanerpaanik katiterigisi
Ullumikkut ulloq imaakajaartunut imaakajaalaartunulluunniit nunarsuaq tamakkerlugu rekordileerusuttunut ulluuvoq. Tassa Guinness Rekordbogimut ilanngunniartartunut.
Ullumikkut ulloq tassa Guinness-i malillugu nunarsuaq tamakkerlugu rekordiliiniartarnerup ullua. Tamannalu qanoq paasisariaqarpa?
Aap, Afrikami Kujallermi iviangequtit, qularnanngitsumik iviangitaqanngitsut, katiterlugit takinerpaaliaralugit rekordiliiniartoqassaaq. Parisimili soorunami asanninniarnerussapput. Tassami inuit amerlanerpaat marlukkaartillugit ataatsikkut kunitsillugit rekordiliiniartoqassaaq.
- Ukiormanna rekordileeriarnerit 2.244-t akuerereerpavut. Taakkualu amerlasoorujussuupput, Craig Glenday, Guinness Rekordbogimi aaqqissuisuusoq oqarpoq. Taannalu angutinnguakkuluk qanoq iliussava, tassami inuit arlaannut pikkorinnerpaajumallutik qinnuigiuartarpaat. Soorlu minutsip ataatsip ingerlanerani hvidløg-inik amerlanerpaanik nerisinnaasorisut, imaluunniit minutsimi ataatsimi ilupaqutinik amerlanerpaanik atisisinnaasorisut, saaffigiuartarpaat.
