Ivars Silis: Kulturikkut kingornussanik sequtserineq unitsilli
- Ukiut 20-it sinnerlugit matuma siorna Qeqertarsuup Tunuani Saqqap eqqaani angalatillunga `qajaasat` assilinikuaakka. Sumiiffilli taanna tikeqqikkakku ujaqqat qaannatut atsigisut ilisarnarunnaavissimapput.
- Kalaallit Nunaanni ileqqutoqqanut ilisimannittut amerlanngillat, takornarissallu ilisimasaqanngilluinnarlutik, suliffeqarfiittaaq sanaartortut aatsitassarsiortullu nunatsinnut tikittartut amerlasaqalutik. Taamaammat Nunatta Katersugaasivia naqitanik kulturimut tunngasunik saqqummersitsinissaanik siunnersorpara, taamaaliortoqanngippammi qaanniviit, naangisat, teriannissat pullataat allallu suuneri ilisimaneerukkiartuinnassapput, Ivars Silis naggasiivoq.
Nunatta Katersugaasiviani pisortaq Daniel Thorleifsen oqarpoq siunnersuut tusaatissatut tigullugu. Oqaatigisinnaannginnerarpaali qaqugu naqitaaqqanik saqqummersitsissanerlutik.
