Ivalo Frankip filmiliaa Chp:Dox-imi takutinneqassaaq

Filminik piviusulersaarutinik Københavnimi takutitsisoqarlerpat Ivalo Frankip filmiliaa Open takutinneqartunut ilaassooq.
Allattoq Mads Lynge
novembarip 07-at 2013 09:23

Filmimi oqaloqatigineqarput tarnimikkut napparsimasut pinerluuteqarsimasunut inissiisarfimmiittut kalaallit tallimat. Taakku Risskovimi Århusip eqqaaniittumi eqqarsartaatsimikkut napparsimmavimmiittuupput.

Filmimi qalipaateqanngitsumi inuunertik nangaasumik oqaluttuaraat, peqqissiminerit, kanngusunneq eqqaamasaarunnerillu. Aammali inuppalaarnermut uternissamut neriunneq, pinerluuteqannginnerup siornatigut inuppalaarneq pinerlunnermikkut katassimasaminnut uteqqinnissamut neriunneq.

Københavnimi filmi takutinneqassaaq tallimanngorneq 9. november Nordisk Filmpaladsimi, kingornalu Cinematikemi novemberip 17-ianni takutinneqaqqissalluni.

Festivalertoqarnerani filmit 200-it takutinneqassapput, siorna inuit 50.000-it ussassimapput. Ivalo Frankip filmiliaa aamma maannakkut saqqummersitsinermut Arktisimut Louisianami takuneqarsinnaasunut ilaavoq.

Aamma atuaruk