Ittoqqortoormiini oqaluffik. Asseq toqqorsivimmeersoq.Assi: Per B. Nielsen

Ittoqqortoormiit: Oqaluffik nakkaateriaannaq iluarsaanneqarsimalersoq

Ittoqqortoormiini oqaluffik, 2017-imi matuneqartoq, aasap ingerlanerani iluarsaanneqarsimavoq.

Ittoqqortoormiini oqaluffik - ukiut marluk matoqqareernikulluni - kiisami atorneqqalerpoq.

Taama ilageeqarnermut naalakkersuisoq, Siumumeersoq Ane Lone Bagger, tusagassiuutinut nalunaaruteqarpoq.

Oqaluffik, 1929 sananeqartoq, Kommuneqarfik Sermersuup nakkutilliinermi oqartussaasuusutut oqaluffiik naalagianut navianartorsiortitsimmat Namminersorlutik Oqartussanut 2017-imi iluarsaatequvaa.

AAMMA ATUARUK Ittoqqortoormiini oqaluffik ueriartortoq

Oqaluffimmi taamani nakkaateriaannaavoq.

- Oqaluffik isiinnaavillugu malunnarami avammut ueriartuaartoq, tassa nuna qeriuaannartoq aakkiartulerami.

Biskoppi Sofie Petersen KNR-imut 2017-imi aggustip qaammataani taama oqarpoq.

Katersortarfimmi naalagiartarnerit qaangiuttut

Ittoqqortoormiinilu innuttaasut 357-it oqaluffimminni maanna iluarsartuunneqarsimalersumi naalagiarsinnaanngoqqipput.

- Oqaluffiup kusanaqisup oqaluttuarisaanermi illoqarfimmut annertuumik pingaarutillip iluarsartuunneqarsimanera taamalu oqaluffimmi pisartut oqaluffimmi ingerlanneqaqqittalernissaannut innuttaasut periarfissaqaqqilernerat assut nuannaarutigaara, Ane Lone Bagger oqarpoq.

Oqaluffiup iluarsartuunneqarnerata naammassinissaata tungaanut oqaluffimmi suliassat katersortarfimmi suliarineqartarsimapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat