Itsarsiuut Amerika kujallermi saarnginik dinosaurusimeersunit nassaarput

Itsarnisarsiuut Amerika kujallermi Argentinap kujasinnerusortaani itsarsuaq uumasorujussuit dinosaurusineersunit saarnginik nassaartut, taamak nutaarsiassaqartitsivik Reuters allaaserinnippoq.

Dinosauriusimasumik nassaarineqartutut ittumik siornagut nassaartoqarsimanngisaannarpoq, itsarnisarsiuullu nassaartut oqaluttuaraat, dinosaurit ilaat taanna angivallaanngitsunnguusimasoq, tassa meteri sinnilaarlugu angissuseqartoq, 7 kilollu missaannaanni oqimaassuseqarsimassasoq. Nassaartut oqaatigaat.

100 millioninik utoqqaassusilik

Taanna dinosauriarannguusimasoq ullumikkut uumasuuguni qitsuttut angissuseqaannarsimassagaluartoq, nassaartut oqaatigaat.

Itsarnisarsiuut nassaartik atserpaat Jakapil kaniukura, taannalu paarngortuunani kingulliinili kisiisa ingerlatigisimagai oqaatigineqarpoq, uumasorujuarannguusimasorlu itsarsuaq ukiut 100 millionit matuma siornagut uumasuusimavoq.

Itsarnisarsiuut uumasorujuarannguusimasup amiakkui nassaarigamikkit ukiut qulit sinnerlugit kiliorusaarlugu nunamit kaanngartinniarsimavaat.

Itsarnisarsiuut dinosauruseerannguusimasup saarngiisa ilai kigutaasalu piluttatut ilusillit aseqqui 15-it nassaaraat.