Qulaarpaa - Iterpunga kujakkaanga

SFI-p kinguaassiutitigut atornerluisarneq pillugu nalunaarusiaata meeqqat misigisartagaannik amiilaarnaqisunik annikitsumik ersersitsivoq.

Atugarissaarneq pillugu ilisimatusarfiup SFI-p nalunaarusiaani nutaami ersersinneqarpoq, niviarsiaqqat 22 procentii nukappiaqqallu 5 procentii 15-it inorlugit ukioqalertinnatik kinguaassiutitigut atornerlullugit pinngitsaalineqartartut. Meeqqat 7 procentiisa arfineq marlunnik ukioqarnerminni nukarliunerunerminniluunniit pinngitsaalineqartarput. Siornatigut kisitsisinut saqqummersunut naleqqersuinissaq ajornarpoq, pinngitsaaliinerillu ikileriarsimanerat takussutissartaqangaanngilaq.

 

Atornerluisartut ilaqutariit ilagisarinngilaat

Amerlanertigut ilaqutariit ilarinngisaat imaluunniit ungasissumik ilaqutaasoq pinngitsaaliisuusarpoq. Amerlanertigullu peqqarniitsumik pinngitsaaliisoqartarpoq, atoqatigiinnermik naammassinnittoqartarluni. Inuusuttut arlallit oqaluttuaraat, inersimasut kinguaassiutitigut atornerluinerminni timimikkut nukittunerunertik atorluartaraat.

Nalunaarusiami inuusuttut ilaat ima oqaluttuarput:

- Pinngitsaalineqarpunga. Inissiani najukkamut ajanneqarpunga, tassaniippullu inuit utoqqasaat sinittut. Tassani angummit pinngitsaalineqarlunga ilagineqarpunga. Qanoq iliorsinnaananga.

 

Nerisinneqarput kannguttaatsuliorfigitillutillu

Alla aamma oqaluttuarpoq:

- Ningaama pinngitsaalivaanga. Usuni uannut tagiartuuppaa, utsunnulli mangunnagu. Taamaaliornermini qanera qingaralu assamminik asseqqavai.

Inuusuttut arlallit perlilerlutik nerisassanik tunitissimallutik oqaluttuarput, kingornalu pisut allanngorput kannguttaatsuliornermut saallutik. Taamatullu pisoqarnissaanut ilimasunnginnamik piareersimasimanngillat.

 

Pinngitsaaliineq

Ussiiniuutilli allat aamma atorneqartarsimapput.

- Angutip immakkut angallammik angalaaqatigaanga, tassanilu itikkut atoqatigaanga. Kingusinnerusukkut paasivara, aamma meeqqat allat taamatut kannguttaatsuliorfigisimagai, inuusuttut taama oqaluttuarput.

Allali aamma imatut misigisaqarsimavoq.

- Iterpunga atoqatigigaanga.

Isummersuutit


 

Pages