Italiamiup assilisai Katuami saqqummersinneqassapput
Savina Tarsitanop assit saqqummersitani taaguuteqartippai qeqertaq pilerigisat. Savinap Kalaallit Nunaanni pinngortitarsuaq kiisalu kalaallit ilisimatitsisarnerat tiguartiffigisimaarsimavai.
39-nik ukiulik Savina Tarsitano Italiap kujataani inunngorpoq tassanilu peroriartorluni. Universitemi ilinnniagaqartuuvoq, naalagaaffeqarneq inatsisilerinerlu ilisimatusarfigisimallugit.
Savinap inuunera ukioq 2003-imi allanguuteqarujussuarpoq, ajutoornerup kingornatigut timaata annersaa nukillaangalersimammat, tamatumalu kingorna eqqumiitsuliortuuneq sammisaasa pingaarnersarilerlugu.
Savinap qeqertavittut misigiffiusinnaasumik nunarsuaq tamakkerlugu ujarlernermini qeqertarpassuit tikittarsimavai, Kalaallit Nunaallu tikikkamiuk ujakkani nassarivaa.
"Kalaallit Nunaat tassaaginnanngilaq nunarsuarmi qeqertat annersaat innuttaasulli aamma qeqertanut minnerusunut siassimapput. Inuiaqatigiillu amerlagisassaanngitsut maanna Danmark-imit avissaarlutik namminersulivinniarput".Savina saqqummersitsisaleqqaarpoq ukiut tallimat matuma siorna. Ukiullu taakku ingerlaneranni 18-riarluni kisimiilluni saqqummersitsisimavoq 9-riarlunilu saqqummersitseqataasarsimalluni.
