Italiami timersornissat karnevalernissallu taamaatinneqartut
Italiap avannaatungaani coronavirusimik tunillatsissimasut 79-t nalunaarsorneqarsimapput, virusimillu toqquteqartut marluullutik.
Venedigimi karnevalernissaq coronavirusi ernumassutigineqarmat taamaatinneqarpoq.
Allattoq Ritzau
februaarip 23-at 2020 13:28
Nutserisoq Bikki P. Kleist
Inuit angallaffigisaat kisimik killilersorneqanngillat, Italiamimi pisortat aalajangerpaat, isikkamik arsaallutik serie A-mi sapaammi unamminissat pingasut kinguartinneqassasut.
Venetop Lombardietillu immikkoortuanni timersornermut aaqqissuussat aamma taamaatinneqartut, AFP allaaserisaqarpoq.
Italiami pisortat ippassaq arfininngornermi nalunaarutigaat, inuit virusimik tunillatsissimasut 79-nngorsimasut, tamatuma saniatigut arnaq angullu virusimik aamma toqquteqarsimasut.
Venedigimittaaq ileqqoq marlillugu karnevalertitsinissaq taamaatinneqarpoq.
Karnevalertitsisoqartarnerani takornariat nunani assigiinngitsuneersut februaarip ulluisa arfineq pingajuannit 25-ata tungaanut peqataasaraluarput.
