Italiami nunasisut politiillu Rosanomi aporaapput
Kikkuunersut paasineqanngitsunit ippassaq luftgeværimik seqqortaarneqareerlutillu Afrikamiut nunasisut kamalerput. Saassussineq ammip qalipaataanik immikkoortitsinermik aallaaveqarsorineqarpoq.
Afrikamiut nunasisut hundredet arlaqartut kamaqisut biilinik pisiniarfinnillu aserorteripput politiillu ujaqqanik milloorlugit.
Nunasisut ataasiakkaat luftgeværinik ippassaq kikkuunersunit paasineqanngitsumik seqqortaarneqaramik kamalerput. Nunasisut nunaatilinni sulisuusut allamiuunertik pillugu taamaaliorneqarsoripput.
Italiami nunami namminermi pissutsinut ministereqarfimmiit nalunaarutigineqarpoq aporaannerit kingunerisaannik inuit 14-it ikiligaasimasut. Taakkulu tassaapput nunasisut, politiit Rosanomiullu.
Italiamiut nunaatillit, nunani ineriartortuneersuunerusunik, nunasisunik sulisuminnik atugarlutitsinerujussuat tusaamaneqarpoq. Afrikamiut nappapalaaginnakkanik sinittarfeqartinneqarput eqqakkallu akornanni inuullutik.
Rosanomiu oqaluttuarpoq:
- Natermi sinngumapput aakualu uffartarfii. Uffartarfiit biilit assakaasukuinik assersorneqarsimapput taamaalillutillu anorimut nilleqisumut oqquisimaarniarsarisarlutik.
Atuarfiit pisiniarfiillu Rosanomiittut ullumikkut matoqqapput sulilu eqqissiviilliortoqarluni.