Salvinilli qinersinermi inernerit pakatsissutigai, qinersinissamummi atatillugu inunnik isumasiuinerit takutimmassuk Salvinip partia Lega PD-lu, Italiami naalakkersuisoqatigiinni Femstjernbevægelsen peqatigalugit siuttuusoq, naligiittorujussuussasut.Assi: Flavio Lo Scalzo/Reuters/Ritzau Scanpix

Italiami naalakkersuisut nunap ilaani qinersisoqareersorlu qasuersitsiarsinnaanngortut

Talerperliit partiata Legap siulittaasuata Italiami naalakkersuisunik uppititsinissani siorasaarutiginikuuaa, nunalli ilaani qinersinermi ajorsarpoq.

Italiami nunap immikkoortuani Emilia-Romagnami inatsisartunut ippassaq sapaammi qinersisoqarmat angusarissaarnissani, partiip talerperlerneersup Legap neriuutigigaluarpaa, taamali pisoqanngilaq.

Lega Emilia-Romagnami qinersinermi angusarissaassappat Italiami naalakkersuisoqatigiit uppisinniarniarlugit, Legap siulittaasuata, Italiami nunamut namminermut ministeriusimasup Matteo Salvinip, sioorasaarutigigaluarpaa.

Qinersisoqarmalli qinersiartortut amerlapput, amerlanerussuteqartullu Det Demokratiske Parti, PD, Stefano Bonaccinimit aqunneqartumik qinersipput, nunasiniartunut isorinnittut qinigassanngortitaannut Lucia Boronzonimut ajugaalluarlutik.

AAMMA ATUARUK Partiit marluk Italiami naalakkersuisoqatigiilerput

Italiami nunamut namminermut ministereqarfiup pisortatigoortumik kisitsisaataasa tamanna takutippaat.

Salvinilli qinersinermi inernerit pakatsissutigai, qinersinissamummi atatillugu inunnik isumasiuinerit takutimmassuk Salvinip partia Lega PD-lu, Italiami naalakkersuisoqatigiinni Femstjernbevægelsen peqatigalugit siuttuusoq, naligiittorujussuussasut.

Qinersisartut 57 procentii qinersiartorput, 2014-imi qinersisoqarneranut naleqqiullugu marloriaatingajammik qinersiartortoqarnerulluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat