Italiami aaqqissuusseqqinnermut ministeri, Roberto Calderoli, partiimut talerperliunianut Liga Nord-imut ilaasortaasoq tujuuluarartaarsimavoq muuamaamik titartakkat aalassassutaaqisut ilaannik assiliartalimmik. Tujuuluararlu taanna atortalerniarlugu eqqarsarpoq.
Ministeri ippassaq oqarpoq, kitaamiut islamimut ingasaassillutik uppertunut akerliunertik aalajangersimatittariaqaraat, tujuuluaqqamillu perusuttut tamarmik pisinnaasut ilanngullugu oqaatigalugu.
-Tujuuluaraliortitsivunga islamimik upperisallit kamassaarlugit. Ullumikkut atorlugu aallartinniarpunga, ministeri oqarpoq.
Ilanngullugu oqaatigaa islam-imut qinngasaarinani, ingasaassinianulli tunniutiinnarusunnani.
Naatsorsuutigineqarpoq tujuuluaraq Silvio Berlusconi-p naalakkersuisuinut ajornartorsiortitsilersinnaasoq.