Italiami mafianut ilaasut 32-t tigusarineqarput

Politiit avatangiisinut ilassuulluinnartunik atisalersorsimasut, qulimiguulinnik ikiorserlutik, mafianut ilaasortaasorineqartunik 32-inik Italiap kujataani illoqarfeeqqami ullumi tigusarinnipput.

Tigusarineqartut ilaqutariinnit marlunneersuupput, tassaasut, Tysklandimi illoqarfimmi Duisburgimi inunnik arfinilinnik aallaallugit toqutsinermut attuumassuteqarsorisat.

Italiami tigusarinninniarnermut politiit 300-t peqataapput, inunnillu 32-nik tigusarinnittoqaraluartoq allat arfineq-pingasut suli ujaarineqartut, Danmarkip Radioata ilisimatitsissutigaa.

Pinerluttartoqatigiit marluk aaqqiagiinnginnerat toqutsinernut pissutaasorineqarpoq.

Ullumi tigusarineqartut, Tysklandimi toqutsisuusorineqanngikkaluartut, akiniaalluni toqutsinissanik pinaveersaartitsillutik tigusarinninnissartik aalajangiussimallugu, politiit oqaaseqartartuata oqaatigaa.

Tigusarineqartut mafiat pinerluutigisartagaat nalinginnaasut tunngavigalugit unnerluutigineqarumaartut aamma oqaatigineqarpoq.