Italiami lottomik eqqugassaq angineq 1,1 milliarder kroner

Danmarkimi lottomik makitsinermi ullumikkut arfininngornermi eqqugassat annersaat 10 millioner koruunit sinneqarput, taannalu inummit ataatsimit imaluunniit lottomi eqqorniagassamit ataatsimmit eqqorneqarput. 10 millioner koruunit amerlagineqarsinnaapput,

Italiamimi lottomi eqqugassat maannakkut ima amerlatigilersimapput, danskit koruuninngorlugit 1,1 milliarder koruuninik amerlatigilersimallutik. Italiami uani sapaatip akunnerani lottomik eqquisoq imaluunniit eqquisut eqqugassaat 1,1 milliarder koruuninik amerlassuseqalersimammata. Sapaatip akunnnerini kingullerni 86-ini lottomi eqqugassat annersaat eqqorneqarsimanngillat. Italiami sapaatip akunneranut pingasoriarluni lottonik makitsisoqartarpoq, kisitsillu nul imiit 90 tungaanut makinneqartarlutik. Lottomi eqqugassat annersaat kingullermik eqqorneqarput, qaammatit arfineq marluk matuma siornatigut. Italiami lottomi eqqugassat amerlasuut eqqorusullugit, Europami nunanit allaneersut Italiamukarput, lottomi eqqugassat maannakkut milliarder koruuninik amerlatigilersimasut eqqorniaalunniarlugit nutaarsiassaqartitsiviit arlallit taamatut allaaserisaqarput. maannakkullu Italiami lottomik eqquiniaasoqarnerani milliardinik eqquisoqarsimasut tusarfiit kingulliit allaaseraat..kinaanerali sumiinneralu suli allaaserineqanngilaq..tamannali aqagu radioaviiseqarnitsinni tusarliussinnaassavarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat