Pissutsit ilungersunarsisimasut, Italiap ministeriunera Giuseppe Conte oqarpoq. Nunalli matoqqinneqarnissaa, soorlu upernaaq taamaaliortoqartoq, taassuma naalakkersuisuisalu eqqarsaatersuutiginngikkaat oqaatigaa.spilleAssi: Angelo Carconi/AFP/Ritzau Scanpix

Italiami innuttaasut unnukkut nalunaaqutaq qulingiluanut angerlaqqusaasalersinnaasut

Coronavirusi Italiami siaruatsaaliniarlugu qarasaasianik spillertarfiit niuffaffiillu matuneqassapput sukisaarsaatigalugulu timersornerit taamaatikkallarneqassallutik.

Illoqarfinni illoqannginnersat tamanut ammasut, illoqarfiit ataasiakkaat borgmesteriinit unnukkut nalunaaqutaq qulingiluanut matuneqarsinnaanissaannut Italiami naalakkersuisut piginnaatitsissummik tunniussipput. Inuit katersuussinnaannginnissaat siunertaavoq.

Coronavirusip Italiami siaruatsaalinissaanut killilersuinerit assigiinngitsut sapaammi saqqummiunneqarput, illoqannginnersallu innuttaasunut matuneqarsinnaanissaat taakkununnga ilaavoq.

AAMMA ATUARUK Coronavirusimik Europami toqquteqartut 250.000-nngortut

Qarasaasianik spillertarfiit niuffaffiillu matuneqassapput, sukisaarsaatigalugulu timersornerit taamaatikkallarneqassallutik. Italiap ministeriunera Giuseppe Conte taama nalunaarpoq.

Timigissartarfiit naluttarfiillu aamma matugallarneqassanersut, Italiami naalakkersuisut sapaatit-akunnerata tulliuttup ingerlanerani eqqarsaatersuutiginiarpaat.

Italiami coronavirusimik tunillanneqarsimasutut nalunaaquttap akunneri 24-t kingulliit ingerlaneranni siumorneqarsimasut 11.705-iusut sapaammi nalunaarutigineqarpoq, aatsaallu taama amerlatigipput.

AAMMA ATUARUK Italiami angerlarsimaffinni nalliuttorsiorneq inerteqqutigineqartoq

Pissutsit ilungersunarsisimasut, Conte oqarpoq. Nunalli matoqqinneqarnissaa, soorlu upernaaq taamaaliortoqartoq, taassuma naalakkersuisuisalu eqqarsaatersuutiginngikkaat oqaatigaa.

- Innuttaasut peqqissuunissaat aningaasarsiornerullu annaanneqarnissaa anguniassavarput, tamattalu iliuuseqartariaqarpugut, ministeriuneq oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat