IT Partner atorunnaalerpoq
novembarip 24-at 2006 08:20
It Partner atorunnaassaaq – aningaasatigut inernerit pakatsinaqisut kingunerisaannik tunngaveqartumik IT Partnerip piginneqatigiiffittut namminersortutut atorunnaarnissaa TELE-p aalajangerpaa. IT Partnerip ingerlatai aaqqissuussaanikkut suliffeqarfimmut pingaaruteqartut TELE-p januaarip ulluisa aallaqqaataanniit ataaniilissapput.
Sulisut qassit soraarsinneqassanersut siulersuisuni siulittaasup, Brian Buus Pedersenip, kisitsisaatiginngilaa, soraarsitsinissarli pinngitsoorneqarsinnaanngitsoq oqarpoq.
IT Partnerip sullittagaasa sullinneqarnerat maannakkutulli ingerlaannassasoq TELE-p qularutigeqqunngilaa.
